«

»

Paź 05 2011

Wydrukuj to Wpis

Kolejowo męka

EN57

Poranek wczesny, jada pośpiesznym
Az do Warszawy, załatwić sprawy.
Pociąg wygodny, jo dos pogodny
Z wesołom minom ida na piwo.
Mijom miasteczka, wioski i lasy,
Durś piwo pija — ubywo kasy.
Wroz w pacharzinie druk mi się wzbiera,
Bez to na WC azymut biera.
Wto zno wygody naszy koleje,
Tyn wiy jak się we kupyju leje.
Nogi szyroko, pieronym kiwie,
Robia sie ulga po piontym piwie.
Rękom ta klapa trzimom ciacianie,
Cyluja w dziura – leja po ścianie.
Biera poprawka – mokre kafelki,
Ściskom co trzeba – efekt niywielki.
Sarpło wagonym fest na zakręcie,
Klapa mi spadła we tym momyncie.
Chciołech zatrzimać moja Niagara
W dźwiyrzach się nogle zrobioła szpara.
Hocyk łodskocoł i pasażerka
Niychcący na mie bez dźwiyrze zerka.
Jo się łobrocioł zadkym do dźwiyrzi,
Nogi rozstawioł żech trocha szyrzi.
Dali się z klapom knifym morduja,
Grzeja się z nerwow i już sztres cuja.
Fuzekle mokre, trzewiki zmocone.
Jak to na banie jest urządzone?
Że jak cowieka pęcherz przidusi,
To przi tym śmiysznie tańcuwać musi.
Wagon na wajchach mocno się kwieje,
Mie się z gipsdeki po gowie leje.
Po ścianach łabędzie sztralym maluja
Już tego co robia nic niy kapuja.
Końca przed casym, to niy mo cweku.
I do kupyju ida po leku.
Tam mie pytajom dwie mode damy
Cymu żech taki jest ucioprany.
Prowdy im przeca pedzieć niy mogą,
Jest żech szczęśliwy, bo końcy sie droga.
Na peron wyłaza we sztralach słońca
Coch w cugu niy zdążoł. Tu chyba skońca.
Pisuardessa na pomoc mi bieży,
W to co ji godom, we wszystko wierzy.
Elektryczno odjyżdżo maszyna
Jedzie w sino dal po szczy… po szynach.

Pasażer Tyjofil

Permalink do tego artykułu: http://kopruch.blazejczak.eu/2011/10/kolejowo-meka/