Wydrukuj to Strona

Jerzy Komor

Jerzy Komor

Jerzy Komor

Pora słow prowdy o mnie.

Jest żech chopym pci męski ze pynzyjom ze starego bajtlika – na tela wielgom co ze godu niy kojchna, a na tyla malutkom iz za nia na daleke rajze zagraniczne mie niy styknie, ale mom satelicko bogato wyobraźnia i bestoż wynokwiołech tego „KOPRUCHA”, wtory mie dziabie juz bez mała piytnoście lot zabawy we jednym śląskym radioku ło nazwie niy do podowanio tukej, coby mie wto niy podoł do gerichtu za jakoś tam kryptoreklama swoi osoby, a jak się kapniecie co to za radio to bydzie ino Wasza wina, bo moje winy som przedymnom do popełniynio we tym łowadle. Jest żech inzinyrym gorniczym w stanie częściowego spoczynku, szwyndającym się jesce wele grubow wąglo i rudy. Mom jedna ślubno, jedna cera, dwa pieski i dwa ptoki, z tym iz jednego w klotce, a drugigo w gowie – co widzicie po tym pisaniu.
To tela ło sobie!

Jorguś

Permalink do tego artykułu: http://kopruch.blazejczak.eu/jerzy-komor/