Wydrukuj to Strona

Oto on

Male mosquito

Kopruch to małe łowadło,
Po co stworzone – niy wiymy.
Krzidła to mo i żądełko,
Przed wtorym sztyjc się broniymy.

Jest żeś w lesie z gryfnom frelkom,
Frelka wpędzos we konfuzjo,
Już sie bieres do roboty,
Kopruch robi ci transfuzjo.

Majom ludzie łod lot wielu
Tysiąc udręk bez kopruchy.
Bez talonow i za darmo
Krew tankujom te najduchy.

Mom jo sposób na te gizdy:
Trza sie do krwi wpuścić przodzi
Alkoholu ze dwa litry,
Bo alkohol zdrowiu szkodzi

Loto w lufcie te paskudztwo,
Groźne jak te messerszmity.
Straszy swojom groźnom pikom
Chopow, dziecka i kobity.

Jest biesiada, piwa lejom,
Gro trompyjta, bas, harmonia.
Tyn na trąbce luftu sznapnoł,
Kopruch wpod mu do chyrtonia.

Możes wczasy, sanatorium,
Mieć popsute do imyntu.
Trza sie roz wziąć za kopruchy
Bez żodnego syntimyntu.

Pochorują sie kopruchy
I dostanom chorobowe.
Z godu umrzom na rewirze
Nom nastanom casy nowe!

Permalink do tego artykułu: http://kopruch.blazejczak.eu/oto-on/